Hatimaye Wambura arudishwa na TFF kugombea Urais wa Simba Juni 29

Hatimaye Wambura arudishwa na TFF kugombea Urais wa Simba Juni 29

Michael Wambura

Hatimaye Michael Richard Wambura amerudishwa kwenye mbio za kuwania uongozi nafasi ya Urais ndani ya  Simba SC na Kamati ya Rufani ya Shirikisho la Soka Tanzania (TFF).
Hayo yameelezwa na Mwenyekiti wa Kamati hiyo, Wakili Julius Lugaziya  mchana wa leo ofisi za TFF,Dar es Salaam,na kusema kuwa  Wambura amerudishwa baada ya kikao chao kilichodumu kwa siku mbili.
Wambura alikata rufaa TFF akipinga uamuzi wa Kamati ya Uchaguzi ya Simba SC kumtoa katika kinyang’anyiro cha kuwania urais katika uchaguzi wa klabu hiyo unaotarajiwa kufanyika Juni 29 2014.
Kamati ya Uchaguzi ya Simba SC chini ya Mwenyekiti Wakili Dk. Damas Ndumbaro ilimuengua Wambura kwa sababu alikiuka Katiba ya klabu hiyo, TFF na FIFA kwa kuipeleka klabu hiyo mahakamani.
Kwa maana hiyo Wambura sasa atachuana na Evans Aveva pamoja na Andrew Tupa.