Vidic kucheza mechi ya mwisho leo Old Traford.

Vidic kucheza mechi ya mwisho leo Old Traford.

Nahodha wa klabu ya Manchester United, Nemanja Vidic anatarajiwa kucheza mechi yake ya mwisho Old Trafford wakati kikosi cha timu hiyo kinachonolewa na Ryan Giggs kitakapoikaribisha Hull City katika mchezo wao wa mwisho nyumbani kwa msimu huu leo jioni. 

Vidic mwenye umri wa miaka 32 amekuwa mmoja wa mabeki bora wa Ligi Kuu toka asajiliwe United mwaka 2006 lakini nyota huyo wa kimataifa wa Serbia atajiunga na Inter Milan majira ya kiangazi baada ya kukataa kuongeza mkataba. 

Beki huyo wa kati amecheza zaidi ya mechi 300 katika kipindi cha miaka nane aliyokuwa Old Trafford akishinda mataji matano ya Ligi Kuu na Ligi ya Mabingwa Ulaya mwaka 2008. 

Vidic amesema hajutii uamuzi wake wa kuondoka kwani amekuwa akicheza kwa uwezo wake wote katika kipindi cha miaka nane aliyokuwepo na anadhani huo ni wakati muafaka wa kuondoka.